2422/2024-2025

Khawzawl, dated 8th October, 2024: Vawiin chawhma dar 11:30 khan KVK, Khawzawl chuan Neihdawn khuaa kuthnathawktu chhungkaw 50 te hnenah Thlasik thlai chin chungchanga zirtirna pein Thlasik Thlaichi semna hun an hmang.

He hun hi Dr. Malsawmkimi, Senior Scientist & Head chuan kaihruaiin zirtirna hun a hmang nghal a ni. Neihdawn Far huan zau-a kuthnathawktu chhungkaw 50 te hian thlasik thlai chi hrang hrang 16 Indian Institute of Horticultural Research, Indian Council of Agricultural Research North Eastern Hill (IIHR - ICAR - NEH)  scheme hnuai ah leh Indian Agricultural Research Institute North Eastern Hill (IARI - NEH) scheme hnuai atangin an dawng a ni. 

KVK, Khawzawl te hian Neihdawn khuaah hian Tomato a lo thar hlawk zawk theih nan Quest-grow brand Biostimulant hmangin enchhinna an kalpui mek a. Neihdawn khua a chhungkaw  90 te hian Tomato chingin, IIHR - NEH scheme hnuai atang hian KVK hian Tomato chi an lo pe tawh bawk. IIHR - NEH scheme hnuai atang hian Tomato F1, Hmarcha (Arka Meghana), Bawkbawn (Brinjal), Bean (French Bean), Bawrhsaiabe (Okra), Um ei (Bottle gourd), Bepui (Dolichos) leh Zamzo ei chi (Amaranthus) te an dawng a, IARI - NEH scheme hnuai atang hian thlaichi chi hrang hrang 8 awmna vegetable seed kit an dawng bawk a ni.