234/2026-2027

Dated Khawzawl, the 22nd April, 2026 : Vawiin khan KVK Khawzawl chuan Tualte khua-a kut hnathawktute hnenah training an pe.

He hun hi Pi R. Vanlalduati, Subject Matter Specialist (Soil Science) chuan kaihruaiin, leilung sawngbawl dan chi hrang hrang zirtina a neih bakah, Central Ministry lamin tunlaia an ngaihpawimawh em em ‘Leitha inbuk tawk lo pekin a nghawng tha lo kan leilunga thleng thei te’ (Balanced Use of Fertilizers) tih thupui hmangin Awareness campaign a neia, leitha pek tam luatin thlai leh leia a nghawng tha lo te, lei tha inbuk tawk pek a pawimawhzia leh biofertilizers hman tul tawh zia leh thlai tana an tangkaina hrang hrang he hunah hian kuthnathawktu kalkhawmte hrilh hriatna a nei nghal bawk.

He hunah hian Tualte khua-a Tomato chinga hmalatu chhungkaw 100-te hnenah  Indian Institute of Horticultural Research (IIHR-NEH) Scheme hnuai atangin Tomato chi sem chhuah nghal a ni.