No.7724/2020-2021

Dated Khawzawl, the 8th March, 2021: Vawiin khan Krishi Vigyan Kendra (KVK) Khawzawl buatsaihin International Women’s Day chu KVK Training Hall-ah hman a ni. Thupui atan ‘Women Leadership in Agriculture; Entrepreneurship, Equity & Empowerment’ tih chu hman a ni.

He hun hmanpuitu Dr. Henry Saplalrinliana, Senior Scientist & Head KVK Khawzawl chuan hripui lengin a kentel hna thawh mai tur awm loh avanga hmun dang atanga lo haw Migrant Worker, a bik takin hmeichhiate tan kan vela awm banphak leh hmuhtheih hmanruate atangin tualchhunga hralh theih mai tur thil tam tak siam theih a ni, a ti a.  Hmangchang leh thawhchhuah dante haichhuah leh zir thiam a pawimawh zia sawiin, Covid hrileng kara hmalak theihna leh tangkai tur hrang hrangte a sawi bawk.

He hunah hian Loneitute sum lakluh a leta tihpun  tuma hmalakna ‘Doubling Farmers Income 2022’ kaltlanga KVK Khawzawl hnuaia khaw enkawl mek khaw pahnih Tualte leh Tuipui atanga Self Help Group hmeichhia sawm bikte chu Tomato Sauce leh Hand sanitizer siam dante bakah Mask thui dante zirtir an ni.   

He programme hi Pi Lalhruaitluangi, Programme Assistant, Home Science chuan kaihruaiin, International Women’s Day lo pian chhuah dan leh he hun hi hmeichhiate tana ni chhinchhiahtlak a nih dante a sawifiah a ni.