Mizoram Youth Commission sponsor in vawiin khan Zalen chanchinbu leh Lynchpin, Guwahati tangkawp chuan Millennium Centre Roof Top-ah 9th Edufest, 2011 an buatsaih a, Labour &Employment Minister Pu Lalrinliana Sailo chuan a hawng a ni.
Hawnna inkhawmah hian Minister chuan Edufest chu Mizo zirlaite tana hun tha inhawng, a chhawr tangkai thiam apiang tana malsawmna a ni, a ti a. Zirna sang zawk bei turin phaiah sum tam tak sengin zirlaiten admission an zawng a. Chutianga buai ngai hauh lova rintlak bawk si, mahni duhzawng ngei zirna in tha, hnai vai taka admission hmuh theih mai a lo ni ta chu zirlaite tan malsawmna duhawm tak a ni, a ti a. Mizoram mipui, zirlai leh nu leh pa ten an hman tangkai ngei a beisei thu a sawi a ni.
Pu Lalrinliana Sailo chuan tunlai khawvelah inbiakpawhna hmanruate a that tawh em avangin ram hla taka chengte nen pawh awlsam takin information a inthawn zung zung theih tawh a. Hetiang khawvela cheng tawh Mizote hian khamkar rilru kan paiha, zau taka thil thlir kan zir a tul a ni, a ti a. Midang tana hriat nuam tur leh mi lawmzawng sawi duh avanga thudik zik tluaklo sawi ching an awm thin chu pawi a tih thu sawiin, bansan a tul tak zet tawh a ni, a ti bawk.
Hmarchhak zirlaite tana buatsaih Edufest hi tum 9 neih a ni tawh a, Mizoramah hian vawi 6 nghah a ni tawh a ni. BA leh MA zirna mai bakah MBA, Engineering, MBBS, BDS, Physiotherapy, Aircraft Engineering, Hotel Management, Air Hostess Training School leh Professional line dang tam tak zirtheihna tur University leh Institution ten stall an hawng a, tun tumah hian zirna in hrang hrang 50 bawr velin stall an hawng a ni. India ram pawna zir duhte tan pawh Edufest hi pan theih a ni a, he Fest kaltlang hian hian Foreign a Mizo thawn chhuahte pawh an lo awm tawh a ni. Edufest hi naktuk ni 26, zan dar 7 thleng hawn a ni ang.
Pu Lalrinliana Sailo chuan tunlai khawvelah inbiakpawhna hmanruate a that tawh em avangin ram hla taka chengte nen pawh awlsam takin information a inthawn zung zung theih tawh a. Hetiang khawvela cheng tawh Mizote hian khamkar rilru kan paiha, zau taka thil thlir kan zir a tul a ni, a ti a. Midang tana hriat nuam tur leh mi lawmzawng sawi duh avanga thudik zik tluaklo sawi ching an awm thin chu pawi a tih thu sawiin, bansan a tul tak zet tawh a ni, a ti bawk.
Hmarchhak zirlaite tana buatsaih Edufest hi tum 9 neih a ni tawh a, Mizoramah hian vawi 6 nghah a ni tawh a ni. BA leh MA zirna mai bakah MBA, Engineering, MBBS, BDS, Physiotherapy, Aircraft Engineering, Hotel Management, Air Hostess Training School leh Professional line dang tam tak zirtheihna tur University leh Institution ten stall an hawng a, tun tumah hian zirna in hrang hrang 50 bawr velin stall an hawng a ni. India ram pawna zir duhte tan pawh Edufest hi pan theih a ni a, he Fest kaltlang hian hian Foreign a Mizo thawn chhuahte pawh an lo awm tawh a ni. Edufest hi naktuk ni 26, zan dar 7 thleng hawn a ni ang.
