2419/2024-2025

Aizawl 8th October, 2024 : Pu C. Lalsawivunga, LAD Minister hovin vawiin khan Mizoram State Veterinary Council Conference Hall-ah The Mizoram (Village Council) Draft Bill, 2024 chungchanga inrawnkhawmna leh sawihona chu a vawi 2-na atan neih leh a ni.

Meeting-ah hian tuna Village Council inenkawl nana kan hman mek The Lushai Hills District (Village Council) Act, 1953 chu Mizoram UT a nih atang daih tawha hman a nih avang leh tunlai khawsakphung leh changkanna nen inhnerem lo tam tak a awm tawh avangin he dan hi ennawn a ngai tih sawilan a ni a. Ngaihdan hrang hrang sawiho niin kan ram mila democracy chhawmnung reng a, kalpui zel ni se tih a ni bawk.

Thutkhawmah hian The Mizoram Village Council bill 2024 drafting committee te'n an draft bill siam chu uluk taka ennawnin, tihdanglam ngai leh siamthat, belh leh paih-a ennawn a ni. 

Consultative meeting hian Draft bill ennawn ngai, vawiina la tihfel hman loh chu Drafting Committee-in lo buaipui tura tih a ni bawk. 

Tarlan tawh angin he dan hi Mizoram State Assembly-in a Pass hunah Municipalities, Lai, Mara leh Chakma Autonomous District Council huam lovin Mizoram pumah hman tur a ni ang. 

Vawiin thutkhawmah hian Pu Lalmuanpuia Punte, Advisor to CM (Political), Secretary leh Director, LAD, Officials, Pensioners aiawh, Political Party aiawh, MHIP hruaitute bakah Drafting Committee Members-te an tel a ni.