Vawiin chawhnu dar 1:00 khan LAD Minister Pu Pc Lalthanliana chuan Lunglei DC’s Office complex chhunga awm LAD Office-a conference Hall sak thar chu a hawng a. He conference Hall hi Village council member te tana training leh meeting kohna tura ruahman a nih bakah mipui vantlang tan pawh a hman theih a ni ang.

Minister chuan Conference Hall thar chu LAD leh Village Council member te tan chauh ni lovin Lunglei khawpui tan pawh function neih na hmun remchang tak tur a nih thu a sawi a.Kum 4 kal ta chhunga Chief Minister kaihhruaina hnuaia Lunglei khawpuiin hmasawnna hmel thar a neih tam tak zinga pakhat a nih thu a sawi a ni. “Sawrkar in thalai te tan chauh ni lovin naupang leh puitling te tan pawh a han hahchawlh leh hawi khawthawn nan hmun awl a awm tam tawk lo hi a vei a. Chuvangin Kawmzawl, Lunglei hmunah te, Thenzawl, Muthi leh Lengpui ah te pawh nawmchenna hmun tur ni lo chen nawmna hmun atan Park leh Recreation centre te siam a nih theih nan ruahmanna a kalpui mek a ni”, Minister chuan a ti a ni. LAD Minister hian LAD official te pawh kumthar chibai buk in an mawhphurhna pawimawh tak te hre thar leh turin a chah nghal bawk.

Conference Hall hawnna programme hi Pu H.Lalchhuanawma, DLAO in a kaihruai a.Technical report a tarlan dan in Conference Hall zau zawng hi 12 x 6 meters, mi 100 atanga 150 thleng leng thei tura ngaih a ni a. A sak nana senso chu Rs.20 lakhs niin ,thla 8 chhunga sak zawh hman a ni.