Election bial pahnih a vote tla zat chu hriat kim a ni ta a, vote tla zawng zawng hi vote awm zawng zawng atanga chhuta za zela sawmriat leh pakhat chuang hlek a ni.

Tukin zinglam dar 4:00 AM khan LADC Bye-Election polling party te chuan Lawngtlai District Election Office an rawn thleng kim a, thil pawimawh ziahfel ngai awm ang ang ziah fel nghal niin vote thlakna khawl chu Strong Room ah dahluh nghal an ni a, Strong Room hi Police ten uluk takin an veng reng a ni. LADC huamchhungah hian bial pahnih ah Bye-Election hi neih a ni a, 10-Lawngtlai Bazar vengah ian vote thlak thei mi 1477 awm in heng zinga mi 1152 ten nimin khan vote an thlak a, he bial bika vote tla zat percent chu 77.92 a ni a.

24-Tuithumhnar bialah hian vote thlak thei 2224 awm in heng zinga 1787 ten vote an thlak a, za zela 82.81 ten vote an thlak a ni .

Vote hi naktuk dt. 6.6.2014 a chhiar nghal tur a ni a, District Election Office pawh vote chhiar tur hian an in peih fel vek tawh a ni.