Ni thum awhtur LADC Fur thutkhawm chu vawiin khan LADC Session Hall, Lawngtlai ah LADC  Chairman Pu F.Rohnuna kaihhruaina hnuai ah tan a ni a, chawhma lam hun chu zawhna leh chhanna atan hman a ni.

Ni thum awhtur LADC Fur thutkhawm chu vawiin khan LADC Session Hall, Lawngtlai ah LADC  Chairman Pu F.Rohnuna kaihhruaina hnuai ah tan a ni a, chawhma lam hun chu zawhna leh chhanna atan hman a ni.

Lawngtlai Vengpui bial MDC, Opposition member Pu V.L. Dawma zawhna chhangin Executive Member, Revenue changtu Pu H.Vanlalthaliana chuan tunhnai ah Non-Tribal hnen ah Trade License pekchhuah a nih loh thu sawiin, Trade license chu Non-Tribal hnen ah hawhtir phal a nilo a ti bawk.

Pu N.Zangura zawhna chhangin Primary School Education changtu Executive Member Pu C.Lalneihkhuma chuan Saibawh khua chu tum nga a tlawh tawh thu leh Zirlai naupang pahnih chauh an awm vangin he school a thawk zirtirtute chu sawnchhuah an nih thu leh zirlai naupang an awm dawn phawt chuan zirtirtu sawnchhuahte chu dah let leh lam ah harsatna a awmloh thu in a chhang.
Independent Member, Lawngtlai Chandmary bialtu Pu C.Lalsawmzuala zawhna kum 2010-2011 a Additional Fund Cheng Nuai 200 hmanral dan chu Executive Member Agriculture changtu Pu F. Hranglura chuan Additional fund hman a nihdan chipchiar takin a sawi a, Additional Fund hi House ah sawi zui a ni a, eptu lam chuan thlai chi supply chungchang  leh supplier thlanchhuah ah leh a semchhuah thlengin thilfel tawklo tamtak a inzep niin an sawi.

Chawhnu lam session hi Deputy Chairman Pu T.Zakunga\'n kaihruaiin Private Member Resolution pahnih Pu V.L.Dawma Resolution leh Pu P.T. Lalchuanglura Resolution te House ah pulutin sawiho a ni. Tuntum session ah hian zawhna House a chhan chi 8 a lut a, ziak a chhan chi Unstarred Question 4 a lut a, Official Bill 3 leh Private Member Resolution 2 a lut bawk.