The Lai Autonomous District Council (Village Councils) (Amendment) Act, 2011 sub-section (1) of Section 4 hnuaia thuneihna pek a nih angin, State Election Commission chuan ahnuaia mi ang hian thupek/hriattirna a ti chhuak :

Lai Autonomous District Council hnuaia March 25, 2014-a Village Councils General Election-a member thlan tharte chuan ni 2.4.2014 aia tlai lovah Village Council Executive Body an siam fel vek tur a ni. Ni 3.4.2014-ah Village Council thar ten charge an la fel in Returning Officer kaihhruainain Sitting hmasa ber (First Sitting) an nei vek tur a ni bawk.

Majority awm lohna (drawn) leh harsatna eng emaw bik avanga ni 2.4.2014-a Executive Body siam thei lote chuan acting Village Council President an siam ang a, acting Village Council President-te chuan ni 3.4.2014-ah Village Council charge an la tur a ni. Amaherawhchu, ni 16.4.2014 hmain Lai Autonomous District Council Executive Committee ruahmanna hnuaiah Village Council Executive Body an siam fel tur a ni a, an Sitting hmasa ber (First Sitting) chu ni 16.4.2014-ah an nei tur a ni.

Village Council thlan thar zawng zawng Executive Body ni 2.4.2014-a siam fel tawhte chuan ni 9.4.2014 aia tlai lovah Executive Body an siam thar (list) chu Deputy Commissioner/District Election Officer, Lawngtlai leh Local Administrative Officer, Lai Autonomous District Council hnenah an thehlut ang a. Executive Body ni 2.4.2014- a siam thei lote erawh chuan ni 16.4.2014-ah emaw a aia hmain emaw Executive Body an siam chu Deputy Commissioner/District Election Officer, Lawngtlai leh Local Administrative Officer, Lai Autonomous District Council hnenah an thehlut ngei tur a ni.