2345/2025-2026

Lawngtlai, 22nd November 2025 : Lai Autonomous District Council (LADC) hnuaia 12th  Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan Dispatch and Receiving Team  - ten DRDO Conference Hall-ah Training -an nei a. Pu Donny Lalruatsanga, District Election Officer ( DEO) chuan a hmanpui.

Pu Donny Lalruatsanga chuan inthlanna fel fai leh thianghlim nei turin mawhphurhna hrang hrang nei ten theihtawp chhuah a tul hle a ti a. A bik takin Official - ten tihsual nei lo tura fimkhur a pawimawh hle a ni, a ti. Dispatch and Receiving Team - te an pawimawhin, mawhphurhna lian tak an nei tiin, tha taka an hna hlen turin a chah a. DEO chuan tihsual awm lo tura tha taka training nei tur a chahin, duhsakna a hlan nghal bawk.

Vawiin training- ah hian Dispatch and Receiving Team-te mawhphurhna hrang hrang, tih tur leh tih loh tur, hriat tur pawimawh leh tul dangte inzirtirna hun hman a ni a. Pu Gilbert Lalhlimpuia, (Master Trainer) leh Pu Collin Hlychho (Election Officer) - te chuan  training- hi an pe a ni.