Lai Autonomous District Council inthlanpui vawi 10 na ah tukin zing dar 7:00 a.m atang khan mipui ten boruak muanawm tak hnuai ah vote an thlak a, khawihmun atang mahin thil duhawmlo thleng hriattur a awm lo.

LADC a MDC bial 25 a Polling Station 103 ah mipui ten vote an thlak a, zing dar 7 atanga chawhma dar 11 thleng khan 19005 ten vote an thlak hmana, chu chu vote awm zawng zawng atanga za zela 41 a, Chawhnu dar 1:00 p.m ah khan 62.21 % ah a ni hman a ni. Vote pumpuia tla zat hi chu tlai lam dar 6:00 p.m velah hriat theih chauh a nih rin a ni.

LADC General Election ah hian Voters 45757 an awm meka,  heng zinga 23279 te hi hmeichhia niin mipa aiin  801 in an tam ani. Constituency Voter tam berna chu Sakeilui bial niin voters 3067 an awm a, voters tlem berna chu Cheural Bial niin Voters 1145 an awm thung.  Voters 1000 atanga 1500 inkar awmna bial 7 awmin Voters 1500 atanga 2000 leh 2000 atanga 2500 inkar awmna bial riat (8) ve ve an awm a, Voters 2500 atanga 3000 leh Voters 3000 chunglam awmna bial khat (1) ve ve an awm bawk. Polling Station Vote tamna ber chu Lawngtlai-III  niin vote 1153 a awm a, a tlemna ber Hlimzawl Polling Station ah Vote neithei mi 73 an awm.