2264/2025-2026

Lawngtlai, 18th November 2025: Lai Autonomous District Council (LADC) hnuaia 12th Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan Pu Donny Lalruatsanga, District Election Officer (DEO) kaihruaiin, DC Conference Hall-ah Dr. Andrew H. Vanlaldika (Election Observer), Pu Abraham Beiraizi Khithie (Election Observer), Election Official, leh Election Agent- ten thutkhawm an nei.

Dr. Andrew H. Vanlaldika, (Election Observer) chuan kalkhawmte hnena a lawmthu sawina a nei a. Inthlanna tura hmalak tawhna fakawm a tih thu sawiin, theihtawp chhuah chhunzawm zel turin Election Official - te a chah a. State Election Commission (SEC) aiawha lo kal, SEC mit leh beng an nihna hre chiang tur a chahin, thawhhona tha tak a awm ngei a beisei thu a tarlang a ni. Election Agent- te chu an pawimawhna hre tur leh MCC bawhchhiatna awm lo tura theihtawp lo chhuahpui turin a ngen a. Dr. Andrew H. Vanlaldika chuan mipuiten zalen taka an aiawh an thlanchhuah theih chu thil pawimawh hmasa a ni tih sawiin, inthlanna tura mawhphurhna nei te theihtawp chhuah tura fuihin, Candidate- zawng zawngte duhsakna a hlan nghal a ni.

Pu Donny Lalruatsanga chuan inthlanna fel fai tak nei tura hmalakna kalpui zel a nih thu a sawi a. District Level Standing Committee leh Mizoram Peoples' Forum (MPF) - te dinfel a nih tawh thu tarlangin, inthlanna tluang tak a neih a nih theih nan Election Official-ten theihtawp an chhuah reng thu a sawi a ni.

Pu PC Lalchunglura, Sr. Superintendent of Police, chuan inthlanna tura 'Security Plan ' siam tawhte sawifiahna a nei a. Polling Station - 111 (+ 1 Auxiliary PS) a Police duty - turte siamfel a nih tawh thu tarlangin, MCC kenkawh, SST,FST, Sector Police Officer, EVM vengtu tur, Candidate - te Security turte inruat fel tawh a ni, a ti. Dan leh thupek kenkawh kawngah theihtawp chhuah niin, 3rd IR Battalion Thingkah leh 2nd MAP, Luangmual, Lunglei lam atanga an lo kal tur thu a tarlang a. SP Office - ah Election Cell- din a nih tawh thu a tarlang bawk.

Pu Collin Hlychho, Election Officer (EO) chuan inthlanna tura hmalakna hrang hrangte Power Point hmangin sawifiahna a nei a. LADC inthlanna turah Returning Officer - 3, Assistant Returning Officer - 3, Sector Officer- 17, leh Nodal officer - 18, bakah Team hrang hrang - 8, an awm thu a tarlang a. Polling Station - 111 +1 (Auxiliary PS) leh Women Polling Station - 3, a awm thu a tarlang bawk a ni.

Vawiin thutkhawmah hian Returning Officer, Sr. Superintendent of Police, Asst. Returning Officer, Nodal Officer leh Lawngtlai Town chhunga Election Agent- te an  tel thei a. Pu Donny Lalruatsanga chuan lawmthu sawina neiin hun a khar.