Lawngtlai District huam chhunga Lai Autonomous District Council (LADC) hnuaia 5-Lungtian MDC Constituency leh Chakma Autonomous District Council (CADC) hnuaia 9-Ugudasury South MDC Constituency-a June ni 6, 2019-a by-election neih tura chuh tumte hming pek luh theih hun chu vawiin tlai dar 3 khan tawpin, hming pe lut pahnih ve ve an awm a. Hming pek luh theih hun a tawp rual hian he'ng Constituency pahniha Returning Officer Dr Andrew H. Vanlaldika MCS hovin hming pek luhte hi endik nghal niin, hnawl a awm lo.

LADC hnuaia Lungtian MDC bialah hian rorel lai Indian National Congress (INC) a?angin Pu H. Lungrualkima'n hming pe lutin, eptu lam Mizo National Front (MNF) a?angin Pu Sanghuliana Mualchin chuan hming a pe lut ve bawk a. CADC hnuaia Ugudasury South MDC bialah hian rorel lai Mizo National Front (MNF) a?angin Pu Charan Singh Chakma chuan hming pe lutin, Bharatiya Janata Party (BJP) a?angin Pu Susen Chakma chuan hming a pe lut ve bawk.

LADC huam chhunga Lungtian bial hi a bialtu MDC, MNF ticket-a thlan tlin Pu H. Biakzaua chuan state assembly inthlanah Lawngtlai East bial a?anga MLA-a thlan tlin a nih hnuah a chhuahsan a; CADC hnuaia Ugudasury South-a MNF MDC Pu Pranab Kumar Chakma chu nikum July ni 19 khan a thi a; he'ng bial pahnihte hi bial ruak a nih tak avangin State Election Commission chuan by-election nei turin ruahmanna a siam ta a ni.

Ruahman lawk dan chuan June ni 6 khian vote thlak a ni ang a. Vote tlate hi June ni 8-ah chhiar a ni ang.