May 11 zinga Laipuitlang lei tawlha thi mi 17 te ruang zawn hna chu nimin nileng leh zan thlenga chhunzawm a nih hnuin  nizan dar 11:06 khan lak chhuah kim a ni ta a. Ruang hnuhnung ber lak chhuah hnu ah he chhiatna avanga ruang zawn hna chu tihtawp niin kharna hun tawite Laipuitlang-a Central YMA Information Centre ah hman a ni a. Hemi hnu hian ruang thlahna inkhawm, Laipuitlang Baptist Kohhran Hall-ah hman zui niin he chhiatna a thite zinga lak chhuah hnuhnung ber 2, Lalremchhungi leh Vanlalrema Hnamte te ruang chu an khua Thingfal panpui nghal an ni.

Nimin nileng khan state disaster response team ten ruang zawn hna hi an bei a. Hemi rual hian CYMA kaihhruaina hnuaiah YMA branch 10 - Ramhlun North, Ramhlun South, Ramhlun Venglai, Ramhlun Vengthar, Ramhlun Sports Complex, Bawngkawn, Bawngkawn Chhimveng, Chaltlang, Chaltlang North leh Laipuitlang ten hnatlangin leivung leh bungraw senghawi hna an thawk a. Nizan a ruang lak chhuah kim a nih veleh helai hmun thenfai hna hi PWD ten khawl hmangin an thawk chhunzawm ve leh nghal a ni.

Chhiatna hmun thenfai hna hi vawiin ah pawh khawl leh kut hmanga chhunzawm a ni a. Vawiin ah chuan Laipuitlang leh Ramhlun Venglai tiamin YMA branch 14 atangin mi 1000 vel an hnatlang a. Chawhnu lamah khua in a bumro avangin YMA  hnatlang hi chawlhsan a ni a. Khaw chin a chian loh vangin naktuk lamah pawh YMA hnatlang hi thulh a ni.

Laipuitlang lei tawlh vanga chhiatna ah hian mi 17 in nunna an chan a, mi 6 nungdama lak chhuah an ni a. Thi leh nungdama lak chhuah te chu hetiang hi a ni :

                                                                           MITTHI

                                                              DAM LAKCHHUAH