No.4466/2021-2022
Aizawl, the 31st March 2022: Governor Dr Hari Babu Kambhampati chuan nimin khan Union Power Minister Pu RK Singh chu a office, New Delhi-ah a hmu a. Kawlpetha avanga Mizoramin harsatna a tawh mek chungchang leh he harsatna sutkian a nih theih dan tur te a sawipui a ni.

Governor leh Union Minister te inkawmnaah hian Mizoramah Kawlpetha avanga harsatna a awm mek chungchang, a chhan hrang hrang leh he harsatna sutkian a nih theih na tura hna thawh hmasak tullai te sawi a ni a. Electrict ban lian leh hruipui thlun belh chungchang te, Hydel Electricity Project thar siam belh tulna te bakah Nizung chakna hmanga electrict current tam zawk siam dan tur te pawh an sawi dun bawk a ni.

Governor Hari Babu Kambhampati chuan Mizoram Sawrkar hnuaia Power & Electricity Department in project pawimawh zual central sawrkar a thehluh tawh chungchang leh heng project te kalpui a nih thuai na tura sanction tih thuai mamawh a nih dan te pawh a sawi a. Mizoram chhungah luiluang chakna hmangin Kawlpetha tam tham tak siam theih a ni thu pawh Union Minister hi a hrilh a. Kawlpetha avanga kan state harsatna te a hmunah rawn hmu chianga, a sutkian dan tur te ngaihtuahpui turin Union Power Minister Pu RK Singh chu remchang hmasabera Mizoram rawn tlawh turin a sawm bawk a ni.