Vawiin chhun khan Mizoram Larsap M.M.Lakhera PVSM, AVSM, VSM chuan I&PR Conference Hall-ah Dr. Baharul Islam Laskar lehkhabu ziah "Industrialisation in Mizoram - Problems and Prospects" a tlangzarh.
Tlangzarhna thu sawiin Larsap chuan 'Hmasawnna' tih tawngkam ringawt avang hian khawi ram mah hian hmasawnna tluantling an nei ngai lova, Mizoramah hian hmunhma kan neih that ngaihtuahin Industry hmasawnnain ngaihpawimawh a hlawh tawk lo ni a a hriat thu a sawi a, hei hi a chhan chu zirna kan kalpui dan leh hmasawnna kan hriatthiam dan hi a inkhuangrual tawk lo a ni a ti a, zirna chuan mihring nunah leh khawsak phungah hmasawnna a thlen ngei ngei tur a ni ati bawk. Mithiam kalkhawmte chu an thiamna ram tana chhawr tangkai tur leh kan ram leh khawtlangin harsatna a tawh hrang hrangte leh heng harsatna lak ata khaichhuaha kan awm theih dan tur ngaihtuah a nasa lehzuala Research chi hrang hrang bei turin a chah a, Research hi Doctorate Degree neihna atan mai nilova mipuite hnen thleng phak leh hmasawnna thlen thei ngei tur thil tangkai anih theih nan thahnemngai lehzual turin a chah a ni.
Larsap chuan hmasawnna chak zawka kan kalpui theih nan kan ramah hian boruak muanawm leh tha kan siam a tul a tih thu sawiin; engati nge kan zirlai thiam tak tak leh graduate zawng zawng deuhthaw hian sumdawnna lamah bul tan tura hmalak nachang an hriat loh ? tih hi ngaihtuah tham ani a ti a, nu leh pa te pawhin kan fate hi an thiam zawng leh tui zawng chhut pui lovin kan duhna leh beiseina ringawt tihlawhtling turin kan nawr lutuk palh ang tih a hlauhawm ani a ti a, thangtharte talent tipung tur zawnga tan kan lak a tul hle a, nu leh pate pawhin kan fate hrechiang tur chuan an bula hun kan hman tam lehzual a tul a ni tiin helamah hian kan rilru sukthlek kan thlak a tul hle a ni a ti bawk.
Kan awmna hmun a kilkhawr em a Industry a hlawhtling thei lo tih chhuanlam kan neih chhung chuan hma kan sawn dawn lova, kan ram hmasawnna tur hian midang kan beisei tur a ni lova, keimahni ngei hi a thawk tu tur zawk kan ni, kan ram pachhiatnaah hian tumah dem tur kan ni lova tanpuina beisei reng ringawt hi kan rilru put dan tur a ni lo a ni a ti bawk.
He lehkhabu ziaktu Dr. Baharul Islam Laskar hi Government Aizawl West College ah Reader niin Department of Economics Head a ni bawk a, research a beihna atanga he lehkhabu hi lo piang chhuak niin he lehkhabu ah hian Mizorama Industry hrang hrang dinhmun leh hmasawn a ngaihna laite tarlan niin, Industry hmasawnnain harsatna a tawhte chhui chian anih bakah heng harsatna hmachhawn dan turte leh thil tangkai dang thahnem tak tarlan a ni bawk.
He Lehkhabu tlangzarh inkhawm hi Dr. Sangkima, Principal, Government Aizawl West College-in kaihhruaiin Prof. A.K. Agarwal, Department of Economics MZU-in key note address a pe a, Prof. Lianzela Dean, SEMIS, MZU in lehkhabu tlangzarh tur thlirlawkna a nei bawk a ni.
Larsap chuan hmasawnna chak zawka kan kalpui theih nan kan ramah hian boruak muanawm leh tha kan siam a tul a tih thu sawiin; engati nge kan zirlai thiam tak tak leh graduate zawng zawng deuhthaw hian sumdawnna lamah bul tan tura hmalak nachang an hriat loh ? tih hi ngaihtuah tham ani a ti a, nu leh pa te pawhin kan fate hi an thiam zawng leh tui zawng chhut pui lovin kan duhna leh beiseina ringawt tihlawhtling turin kan nawr lutuk palh ang tih a hlauhawm ani a ti a, thangtharte talent tipung tur zawnga tan kan lak a tul hle a, nu leh pate pawhin kan fate hrechiang tur chuan an bula hun kan hman tam lehzual a tul a ni tiin helamah hian kan rilru sukthlek kan thlak a tul hle a ni a ti bawk.
Kan awmna hmun a kilkhawr em a Industry a hlawhtling thei lo tih chhuanlam kan neih chhung chuan hma kan sawn dawn lova, kan ram hmasawnna tur hian midang kan beisei tur a ni lova, keimahni ngei hi a thawk tu tur zawk kan ni, kan ram pachhiatnaah hian tumah dem tur kan ni lova tanpuina beisei reng ringawt hi kan rilru put dan tur a ni lo a ni a ti bawk.
He lehkhabu ziaktu Dr. Baharul Islam Laskar hi Government Aizawl West College ah Reader niin Department of Economics Head a ni bawk a, research a beihna atanga he lehkhabu hi lo piang chhuak niin he lehkhabu ah hian Mizorama Industry hrang hrang dinhmun leh hmasawn a ngaihna laite tarlan niin, Industry hmasawnnain harsatna a tawhte chhui chian anih bakah heng harsatna hmachhawn dan turte leh thil tangkai dang thahnem tak tarlan a ni bawk.
He Lehkhabu tlangzarh inkhawm hi Dr. Sangkima, Principal, Government Aizawl West College-in kaihhruaiin Prof. A.K. Agarwal, Department of Economics MZU-in key note address a pe a, Prof. Lianzela Dean, SEMIS, MZU in lehkhabu tlangzarh tur thlirlawkna a nei bawk a ni.
Attachment
- Loading attachment...
