Vawiin khan Sipai Lak Runpui (Army Recruitment Rally) chu Rajiv Gandhi Sports Stadium Mualpui ah neih tan a ni a, Larsap Pu Vakkom Purushothaman’n a hmanpui.

Larsap chuan Mizoram chu rampuma ziak leh chhiar thiam dinhmunah pahnih a nih thu sawiin lehkha thiam te tan chuan hna zawn a awlsam bik a ti a. Thalai te chu Mizoram pawm lamah te pawh hna zawng turin a fuihin inpuahchah a hun tawh thu a sawi bawk a. Larsap chuan Mizo thalaite chu a tam thei ang ber Sipai a lut turin duhsakna a hlan a, theihtawp chhuah turin a fuih a ni.

Vawiin hian District hrang hrang atangin Soldier (General Duty) a luh tumte an intlar a, naktuk ah pawh chhunzawn a ni dawn. Naktip May ni 9 khian Pawl 12 pass chin tan Soldier Tradesman, Soldier Clerk/Store keeper Technical, Soldier Nursing Assistant leh Soldier Technical atan an intlar thei dawn a ni.

Naktuk khian Chief Minister Pu Lal Thanhawla chu Rally hmanpui tura beisei a ni.