Vawiin khan DC Conference Hall, Mamit ah ni 21 November 2011 a Mizoram Larsap Pu Vakhom Purushothaman-in Mamit khua a tlawh tura lo dawn sawn dan tur Pu A. Biaklawma, Addl D.C kaihhruaiin Heads of Offices, khawtlang hruaitute leh Tlawmngai Pawl hruaituten an rel.
He Meeting-ah hian Mizoram Larsap-in Mamit a rawn tlawh tur hi ropui taka lo hmuah ni se, SP Office tualzawl-ah Official-a lo dawngsawngin chumi zawhah Chhim Veng YMA Hall-ah amah lawmna inkhawm buatsaih ni se tihte bakah Hnam lam chi hrang hrang entir ni bawk se tih te rel a ni. Hetah hian Sorkar hnathawk te, khawtlang hruaitute bakah tlawmngai pawl hruaitute, School naupang tel tura ruat te kokim taka tel tura ngen nise tih te rel a ni bawk.
He Meeting-ah hian Mamit khawpuia Heads Of Office te Tlawmngai pawl hruaitute bakah khawtlang hruaitute an tel tha hle a ni.
