No.7371/2020-2021

Vawiin chawhma khan Lunglei District chhunga Village Council leh Village Water Sanitation Committee Member te pualin Lunglei PHED Conference Hall ah NYK, Lunglei buatsaih Catch the Rain tih thupui leh Rural Watsan Division, Lunglei & Water Sanitation Support Organisation, PHED te buatsaih Orientation Training on Jal Jeevan Mission & Swachh Bharat Mission-Gramin Phase II zirtirna hun hman a ni. He hun hi Er. Laltlanchhunga, Sr. Executive Engineer,Rural Watsan Division, PHED, Lunglei chuan khuallian niin a hawng.

Er. Laltlanchhunga chuan thusawiin kum 2018 kha Prime Minister of India chuan National Water Mission, Jal Jeevan Mission te a duangchhuak a, National Water Mission hnuaia Catch the Rain tih thupui hmangin India ram pumah tui thianghlim a kan hnianghnar theih nan ruahtui khawl hi kalpuitura tih a ni a, kan tuihna neih te a kan chah loh nan tui hna awmna hnar ah thingphun te uar ila, chubakah ruahtui hi engtin nge kan hman tangkai ang tih zirho a tul thu a sawi bawk.PHED in Jal Jeevan Mission  hnuai a tum ber chu mi zawng zawng hnena tui thianghlim an inchhunga herh haw tur pek leh faina lamtluang zawh tura ke pentir  a ni. Sanitation lamah phei chuan tual laia inthiar  awm tawh lohna (ODF) mai ni tawh lovin, Mizoram khua zawng zawngte ODF PLUS ni thei turin hmalak mek a ni,  a ti. Kan tuichhe thli leh bawlhlawh sakhat ho mumal taka sawngbawl te, plastic lam chi sawngbawl te kalpui mek anih thu a sawi  a. Vawiin a kan zirtur te hi bel taka thiam a, mahni veng ah zirtirna pe theuh tur in a chak bawk a ni.

 Pu David Lallawmsanga, UNV/DYO, NYK, Lunglei in Cath the Rain, Pu Jeffrey Lalmuanawma, Consultant, WSSO in JJM leh Er. S. Zahmingthanga, WSSO in SBMG II tih thupui hmangin zirtirna an pe a, zawhna leh chhana hun hman a ni bawk.