Vawiin khan Pu R.Lalrinawma MLA, Chairman Law Commission chuan Zuangtui Games & Sports Association huaihawt April 13-17 inkara khelh tur Aizawl East-1 Constituency pum huap Volleyball Tournament 2010 chu a hawng.
Khuallian chuan Zuangtui GSA ten hetiang intihsiakna thianghlim an huaihawt thei chu lawmawm a tih thu sawiin ramin hma a sawnna turin thalaite an pawimawh a, Sports hi Rampum huap leh khawvel pum huapa mizote min pholang theitu a nih hria a infiammite chu nun uluka, ei leh in leh zuk leh hmuama insum theihna, taimakna, rinawmna leh tumruhnate nena tan la zel turin a fuih a, heibakah hian Mizoram Sorkarin Sports tihhmasawnna atana hma a laknate leh a hmachhawp hrang hrangte tarlangin, he Tournament hi lawmman lak nan mai ni lova, Ram leh Hnam tana kan mawhphurhna hriatthar lehna atana hmang turin leh rilru leh taksa hriselna thlentu a nih theih nan duhsakna a hlan bawk a ni.
He Tournament hi Power & Electricity Deparment hnuaia Metre & Relay Testing Division ten sponsorin Mipa Team 16 leh Hmeichhe Team 5 an tel a, Champion Team-in Dekchi lian leh Rs 3500/- an dawng dawn a ni.
He Tournament hi Power & Electricity Deparment hnuaia Metre & Relay Testing Division ten sponsorin Mipa Team 16 leh Hmeichhe Team 5 an tel a, Champion Team-in Dekchi lian leh Rs 3500/- an dawng dawn a ni.
