Vawiin khan Pu R.Lalrinawma, MLA, Chairman hovin Mizoram State Law Commission an thukhawm. He meeting ah hian Agenda pawimawh tak tak ngaihtuah ho a ni.
Chairman, Mizoram State Law Commission chuan thlatin vawikhat an thut khawm ziah thu leh tam zawk a meeting neih a tul hial tawh thu a sawi. Meeting hmasa lama an thil ngaihtuah tawh leh ruahmanna an lo siam tawh te a sawi hnuah ah meeting hi tan a ni. He meeting ah thil ngaihtuah pawimawh deuh deuh te chu- 1) Quantum of revenue Earned in Stamps - Sawrkar in Stamp collection atanga sum a lakluh chu state dangte ngaihtuah in a tlem deuh avangin ennawn ni se, hmalak dan turah pawh department dangte rawn in sawrkar thurawn pek dan tur ngaihtuah ni se tih te, 2) Setting up of Minority Commission- Minority awmzia Pu.P.Chakraborty, Commissioner/Secretary, Law & Judicial in a sawifiah hnuah Autonomous District Council Pathum aiawh ten zirchian rih an duh thu an sawi a remtih sak an ni, 3) The Mizoram Local Authorities (prohibition of defection) Bill,2010 - Municipal Election lo awm hma ngei a neih tha tih a ni. He dan neih a tulna chhan chu Anti-Defection Law (10th Schedule of Indian Constitution) in MLA leh MP te chauh a huam vang a nih thu sawi a ni. State chhunga Elected bodies(thlan tlin ) zawng zawng te tan dan pakhat hman tur Assembly a pharh turin siam ni se tih chu Autonomous District Council aiawh ten tha an tih rualin zirchian hmasak an dil a rem tih a ni, 4) Acid Attack : Acid hmanga inbeihna hluar ta lutuk avangin thil tisualtute hremna dan khauh zawk Ministry of Home Affairs rawtna chu sawiho a nih hnu in Central hmalak mek a nih avangin ngaihchan phawt ni se tih te, 5) Mizo Hnam Dan tihdik rawtna: Mizo Upa Pawl(MUP) in tawngkam thenkhat Mizo Hnam Dan bu a inziak dik lo nia ngaih te tihdik an rawtna chu NGO dang te ngaihdan lak leh phawt ni se tih a ni. Mizo Hnam Dan tih hi ACT a nih loh avangin Court thu tlukna hrang hrang neih tawh te chu compile ni se Assembly a pass turin Draft siam ni se tih rawtna te siam ani.
Law Commission meetingah member member kal te chu : Pu P.Chakraborty, Commissioner&Secretary, Law & Judicial Department, Pu Ukmang Zathang, Executive Member, LADC, Pu Hramo, Executive Member, MADC, Pu Kalikumar Tongchongya, Chief Executive Member, CADC, Pu Michael Zothankhuma, President, Mizoram Bar Association, Pu Zahmingthanga Ralte, Deputy secretary, Law & Judicial department leh Member Secretary ni bawk te an ni.
Law Commission meetingah member member kal te chu : Pu P.Chakraborty, Commissioner&Secretary, Law & Judicial Department, Pu Ukmang Zathang, Executive Member, LADC, Pu Hramo, Executive Member, MADC, Pu Kalikumar Tongchongya, Chief Executive Member, CADC, Pu Michael Zothankhuma, President, Mizoram Bar Association, Pu Zahmingthanga Ralte, Deputy secretary, Law & Judicial department leh Member Secretary ni bawk te an ni.
