No.599/2021-2022
Dated Champhai, the 20th May, 2021: Law & Judicial Minister Pu T.J Lalnuntluanga, Champhai South bialtu MLA ni bawk hmalaknain vawiin khan Covid-19 avanga inkharkhipna kalpui a nih chhunga chhuanchham mai theite harsatna sutkianna tur atan, bial chhunga veng leh khaw tina Village Level Task Force (VLTF) te hnenah Buhfai bag 200 sem chhuah a ni.
Tanpuina buhfaite hi Minister aiawh te'n bial chhunga VLTF hrang hrangte hnenah kalin an sem a, VLTF hrang hrangte hian an huam chhunga chhungkaw harsate hnenah an sem chhuak leh dawn a ni.
Heng buhfai VLTF te hnena pek hi Covid-19 hrileng mek avanga lockdown tuar chhungkua, harsatna tawkte chhawmdawlna tura tih niin, kar hmasa khan bialtu MLA hian a bial chhung Zokhawthar Containment Zone a puan a nih avanga harsatna tawkte chhawmdawlna turin buhfai engemawzah a lo pe tawh bawk a ni.
