Vawiin chawhnu dar 1:30pm khan Law & Judicial lehTransport Minister Pu TJ.Lalnuntluanga chuan  zan hnih riaka Tipa RD block hnuaia Myanmar ramri dep khuaa VLTF te duty post te a tlawh zawh hnuah, Siaha town-ah a lo lut a.Siaha a lo thlen ve leh hian Siahatla venga District Court building leh Judicial quarter (Grade-I)sak mek te chu a tlawh a. Hemi zawhah hian DTO office building sak mek  Siaha Vaihpi venga a mi chu a tlawh leh nghal bawk  a ni.

District Court building sak mek hi zopa chhiara Chhawng 5 niin, a zau zawng hi 4395.92 sq.m niin, Court building hi tarik ni 10.09.2018 a sak tan niin, cheng  Rs.15,06,41,849/-  senga sak zawh tur a ni a, tunah hian 50% sak zawk tawh a ni. Judicial quarter hi  tarik ni 30.06.2018 a sak tan kha a ni a, Rs.1,39,30,989/- senga sak zawh tur a ni a,tunah hian 85% sak zawh tawh a ni. District Transport Office building hi tarik ni 27.09.2016 a sak tan a ni a, Rs.1,83,73,455/- senga sak zawh tur a ni a,tunah hian 85% sak zawh tawh a ni bawk. A viltu PWD  Building Division, JE, Pu N.Mesaka chuan Architect drawing an dawn tlai avanga la sak zawh loh an nih thu sawiin, tunah hian chak taka buiding sak hna hi kalpui mek a ni a, Judicial quarter leh DTO building te phei chu sak zawh thuai a ni ang, a ti. 

Minister in District Court building, Judicial  quarter leh DTO building sak mek a tlawhna-ah hian Aizawl atanga a mah lo tawiawmtu te bakah, Pu N.Zakhai,CEM,MADC  leh a thawhpui MDC thenkhat te,  Pi R.Vanlalchami, Judge, Fast track Court,Pu H.Lalduhsanga,CJM,Pu.Malsawmtluanga,Addl.DC, Pi. B. Malsawmtluangi, DTO leh  a thawhpui te leh Pu Tlualaisa,Hlychho,Addl.SP  ten an tawiawm a ni.

Minister  hi MADC hruaitute,official thenkhat te leh Party worker ten circuit  house-ah an lo hmuak a, MADC in amah pualin zanin zanriah hi an buatsaih sak a, Minister hian Siaha-ah chawlh Ni a hmang dawn a ni.