1880/2022-2023
Aizawl 11th September, 2022 : Nimin khan Law & Judicial Minister Pu T.J. Lalnuntluanga chuan Guwahati-ah Bar Council of Assam, Nagaland, Mizoram, Arunachal Pradesh leh Sikkim Diamond Jubilee a hmanpui a. He hunah hian Pu Jagdish Mukhi, Governor of Assam chu Khuallian niin Pu T.J. Lalnuntluanga chu Khual zahawm a ni.

He hunah hian Pu T.J. Lalnuntluanga chuan thu sawiin Ukil te chu Sawrkar hnathawk anga thla bi hlawh la an nih ve loh avangin an tan "Corpus Fund" siam a tul thu leh hemi kawnga ngaihtuahna sen a hun tawh thu a sawi a. PIL hman dan chungchangah ukil te an pawimawh thu sawiin, dik lo taka mimal beih nana hman a awm tam telh telh ni a lang chuan ram nuam lo leh hrehawm taka min hruai luh theih hial te pawh a hlauhthawnawm ta a ti a. PIL ah hian Ukil te hi Dan lama mi rawn tur an nih angin, Kan ram hi ralmuang leh chen nuam a nih zel nan Public interest leh Private interest te thliar hranga, mipui te kawng dika kan hruai a ngai a ni a ti. He hunah hian Assam Governor leh High Court Judge te leh Bar Council of India leh Guwahati member thahnem tak an tel a ni