Vawiin chawhnu khan Law & Judicial Department Secretary Pu Singthanga chuan a office ah chanchinbu mite lenga sawmin Press Meet a nei a, Law & Judicial Department kalhmangte hrilh fiahin Separation of Judiciary chungchang a hnuai ami hian hian a sawi.

Mizoramah Dan Rorelna (Separation of Judiciary) a taka kalpui a nih hnu hian, Court a roreltu Judge/Magistrate te Transfer, Posting leh Promotion te hi Gauhati High Court thuneihna hnuaia awm a ni a, Court-a an hnathawh dan tur duan zawng zawng leh an hna chanpual sem chungchang te pawh Gauhati High Court thuneihna hnuaia tih vek a ni a, Mizoram Sawrkar-in thuneihna a nei tawh lo. Amaherawh chu Order thenkhat Sawrkar chhuah chi a awm chuan Gauhati High Court in Mizoram Sorkar-a hriattirna a pek anga chhuah thin a ni. Hei mai bakah hian Court Staff thleng pawhin Mizoram Sorkar in thuneihna leh inhnamhnawihna a nei lo, District & Sessions Judge-te kut a awm an ni. Court-a thawk Judge/Magistrate leh Staff te thlengin Mizoram Sorkar-in an ACR te a khawihsak tawh lo va. Chuvangin an hnathawh that leh chhiatah pawh Mizoram Sorkar chuan direct takin mawhphurhna a nei tawh lo. Administrative leh Supervision Work hi Gauhati High Court kuta awm vek a ni tawh.

Tunhnaiah Court rorelna a Sorkar inrawlh anga ngaihtheih tura sawina te awm thin hi thil hriatsual palh emaw hriat chian tawk loh vang emaw ni in a lang.