4229/2024-2025
Aizawl, 13.02.2025: State Election Commission, Mizoram, Aizawl in hriattirna a lo tihchhuah angin General Election to XV/4-Lawipu Local Council, 2025 chu ni 14.2.2025 (Zirtawpni) zing dar 7:00 AM atanga tlai dar 4:00 PM chhungin neih tur a ni a. Vote thlak tawp hun hi tlai lam Dar 4:00 PM a nih avangin, vote thlak tawp hun darkar bituk atanga chhiar let a darkar 48 i.e. dt. 12.2.2025 tlai lam dar 4:00 PM chhung hi mipui (voter) ten chimbuai loh leh rilru fim taka duhthlanna an siam theih nan Lawipu Local Council huam chhungah silent period atana puan a ni.
Aizawl DC Er. Lalhriatpuia chuan heng a hnuaia mi te hi kalpui a zawm ngei turin hriattirna a chhuah:
1. Inthlan kaihhnawih lam chi campaign reng reng tih tawp vek tur a ni.
2. Silent Period chhungin Political Campaigner zawng zawng, constituency huamchhunga vote nei lote chuan constituency an chhuahsan vek tur a ni.
3. Silent Period chhung hian sawrkar leh a agency te kal tlanga tanpuina lam chi reng reng, MCC Chapter 8, Code No 12 a inziak te tiamin pek chhuah rih loh tur a ni.
4. Silent Period chhung hian aurinna lam chi reng reng hman phal a ni lo a. Mipui vantlang pawipang ; chhiatni thatni leh mipui nun nghawng thil bik leh inthlan kaihhnawiha vantlang hriat tur official te hriattirna te bak au rinna hmanga puan phal a ni lo.
