Dt. 7th January 2010 (Ningani) khan Environment & Forests Minister Pu H. Rohluna, PCCF Dr. S.S. Garbyal leh Environment & Forests Department-a senior officer thukhawm chuan kum 2009 Krismas leh 2010 Kumthar vuakvet vel laia halpuah leh halmawi hal thawm Aizawl leh Mizoram pumpui a hriat tur a awm meuh lo kha Environment & Forests Department tan chhinchhiahtlak tak niin he thil avang hian kum dang zawng aiin boruak tha leh thianghlim kan nei thei hi lawmawm an tih thu an sawi. Hemi kawnga hma la tu sorkar dinglai, kohhran, tlawmngai pawl hrang hrang leh mipui te chungah Environment & Forests Department chuan lawmthu a sawi a. Hun lo kal zel turah pawh boruak tichhe thei thil halpuah leh halmawi hal tawh ngai lo turin Mizoram mipuite an ngen.

He meeting hian kum 2010 thal chhunga Zoram mipui zawng zawng te tul lo a ram tikang lo tur leh hemi kawng a tan la turin a ngen a, tin, chanchinbu leh media hrang hrang te pawh ram kang ven pawimawhna lam zirtirna thehdarh hna nasa taka thawhpui turin a ngen bawk.