Kan hma lawka Member of Parliament inthlan kan hmachhawn tur atan inbuatsaihna kal zelah nimin ni 17.3.2014 chawhnu dar 3 khan Lawngtlai District-a Election Expenditure Monitoring Team te chu DC Conference Hall ah an thukhawm a. He hunah hian Election Expenditure Observer, Pu L. Hangsih, IA & AS chuan telpuiin hma lak dan tur hrang hrangte an rel.

Lunglei, Lawngtlai leh Saiha District te vil tura ruat, Election Expenditure Observer Pu L. Hangsih chuan Expenditure Monitoring Team hrang hrang te chu nikum MLA inthlana lo tel tawh te deuh vek ruatleh an nih thu a sawiin MLA inthlanna a an lo tih tawh ang a, tha tak leh fel taka mahni hna theuhte thawk leh tura ngen tura lo kal a nih thu a sawi.

Report pek tur chite, Complaint na tur siam te, thuthar thehdarhtute leh Party hrang hrangte nena thawhho na tur chite sawi hovin a hun taka engkim peih fel zel a nih theih dan turte sawi ho a ni a, Observer in District chhung hmun thenkhat a tlawh kual huna thil tul turte pawh rel ho a ni bawk.