Vawiin khan Lawngtlai DC Conference Hall-ah District Bawrhsap Dr Arun T., IAS hovin Lawngtlai District MGNREGS Labour Budget leh MGNREGA Annual Action Plan 2018-19 thlir ho a ni.

He Action Plan thlir honaah hian DRDA leh RD hnuaia thawktute, PHED leh LADC-a RD Department hotute an tel a.  Action Plan-a tarlan a nih danin, kum 2018-19 chhungin ni 100 inhlawh theih ngei tum a ni a. He Action Plan hian Lawngtlai District-a job card nei chhungkaw 30864 a huam dawn a. Sum hman tura ruahman hi hlawh (wages)-ah Rs nuai 5987.617 leh hmanrua (material)-ah Rs nuai 655.292 a ni a; hna hrang hrang 3517 thawh tura duan a ni.

He hunah hian Lawngtlai District MGNREGA Action Plan 2018-19 hi ngun taka thlir ho va, siam rem ngaite siam rem a nih hnuah pawm a ni.