Vawiin khan Lawngtlai Superintendent of Police Conference Hall ah tleirawl dikna chanvo (Juvenile Justices (Care and Protection) act, 2000) chungchang zirhona nihnih awh tur chu Superintendent of Police Pu Zosangliana, MPS chuan a hawng.

A hawnna inkhawm tawi ah Pu Zosangliana chuan tleirawlte tan nunkhaw nuam leh him hi an rilru leh taksa than lenna atana thil pawimawh a ni a, chutih rualin kawng diklo zawh palh leh ram leh khawtlang tana mi hnawksak nih palh chang an nei thei bawk. Hei vang hian kan thalaite enkawl dan tur sawrkar in ruahmanna a siamte kan hriatchian a kan zir ngun a ngai a, kan thu tlukna diklo pakhat avangin tute emaw nunkhua a buai thei a kan thu tlukna dik avangin saltang pakhat a zalen thei bawk. Hei vang hian uluk takin he dan hi kan zirin kan hriatchhian a tul a ni a ti a, training tura thlanchhuah Police-te chu taima taka inzir turin a fuih.

He Training ah hian Juvenile Justices (Care and Protection) act, 2000, Juvenile Justices (Care and Protection) Rules, 2007, Juvenile Justices (Care and Protection) act, 2000 as amended in 2006 and 2011 leh Mizoram Juvenile Justices (Care and Protection of children) Rules, 2010 ti a then darhin, Pu KL. Vulmawia Addl. SP, Pi Lalrithangi Protection Officer (Non-Institutional Care) Pu Tlualaisa Hlychho, SDPO leh Nancy Laldinpuii Legal Cum Probation Officer ten zirtirna an pe a, Lawngtlai khawpui chhuga Police Officer leh Constable te an tel a ni.

Attachment

  • Loading attachment...