1444/2025-2026

Lawngtlai, 1st August 2025 : Lawngtlai bawrhsap chuan SVAMITVA ( Survey of Villages and Mapping with Improvised Technology in Village Areas) Scheme, LADC huamchhunga kalpui tur chungchangah,  Dan leh thupek kengkawhtu, department hrang hrang leh mipuite tan thuchhuah a siam.

SVAMITVA ( Survey of Villages and Mapping with Improvised Technology in Village Areas) Scheme, hi Digital India Land Records Modernization Programme (DILRMP) hnuaia kalpui a ni a. SVAMITVA hnuaiah hian Drone hmangin LADC huamchhunga khaw hrang hrangah ' Property Mapping and Cadastral Survey ' kalpui tur a ni a.  Hei hian a tum ber chu LADC huamchhunga khaw hrang hrangah mimalin  ram zau zawng an neih ang angte felfai taka  chhinchhiah a, neitu nihna ( Property Cards/ Title deeds) pek chhuah a ni. SVAMITVA hmang  hian LADC huamchhunga khaw hrang hranga ram nei awm ang angte leh a zau zawng chu khawl hmanga chhinchhiah (digitalised) a ni ang.

Drone Survey hi ni 25. 07. 2025 - 17.08.2025 chhung kalpui a ni dawn a, Survey of India bakah Central leh State sawrkar aiawh ten an kalpui dawn a ni.