3184/2024-2025

Dated Lawngtlai, 25th November 2024 : Vawiin khan  Bungtlang - Ngengpuitlang - Tuithumhnar kawng laih tur chungchang sawihona DC Conference Hall-ah neih a ni a. Pu Cheemala Siva Gooal Reddy, IAS, Lawngtlai District bawrhsap chuan thutkhawm  hi a kaihruai.

Pu Cheemala Siva Gooal Reddy, IAS, chuan inkalpawhna kawngpui tha zawk siam a nih chuan a chhawrtu tur ber chu he kawngin a paltlang khuate an ni, a ti a. Kawngpui laih turah harsatna siam awm lo a, a hma lama hnathawh tan chu thil pawimawh tak a nih thu a sawi a. He kawngin a paltlang khuaa Village Council (VC) leh NGO- te chu thil tha an neih turah tha hnem ngai taka sawrkar leh kawng siamtute thawhpui thiam turin a chah a. Hnathawh tan a nih hunah pawh uluk taka lo enpui tur leh kawngpui tha tak siam a nih theih nana theihtawp lo chhuah turin a sawm nghal bawk.

Vawiin thutkhawmah hian Kawngpuiin a paltlang tur khuaten 'Social Impact Assessment' neih kher ngai an tih leh tih loh sawiho a ni a. Village Council leh NGO- te chuan kawngpui tha tak an neih turah lawmawm an tih thu tarlangin, Social Impact Assessment- nei kher lo a, kawngpui siam hna tan chu tha ber a ngaiin lungrual takin an pawm tlang a ni.

Bungtlang - Ngengpui tlang- Tuithumhnar kawng hi tun dinhmunah 48 km niin, Defence road - hi a kal chuan 16 Km a ni dawn a, a hma aiin 32 km in a tawi dawn a ni.

Vawiin thutkhawmah hian Pu Zoramsiama Hmar, Addl.DC, Officer -in- Charge (0C), BRO, 71,RCC, Dy. Chairman, LADC, Bialtu MDC bakah VC leh NGO- te an tel thei a ni.