1316/2026-2027
Lawngtlai, 7th July 2026 : Vawiin khan Nasha Mukt Bharat Abhiyan-hnuaia Ruihhlo umbo tura beihpui thlakna pawimawh tak 'Drug Free District Campaign' chu BDO Conference Hall, Chawngteah neih a ni a. Pu Donny Lalruatsanga, bawrhsap leh Chairman, Lawngtlai District Level Committee on Drug Free District - nibawk chuan a hmanpui.
Pu Donny Lalruatsanga chuan kalhawmte chibai bukin April ni 10, 2026 khan 'Drug Free District Campaign' hawnna neih tawh a nih thu a sawi a. Tin dinhmunah Lawngtlai RD Block leh Sangau RD Block - ah te 'Awreness Campaign' neih tawh a ni, a ti. Ruihhlo awmlohna District - a puan chu thil awlsam a ni dawn lo tih tarlangin, sawrkar, VC, NGO, Kohhran leh mipuite tan tlan leh thawhho a ngai tak a ni tiin, theihtawp chhuahpuiah a sawm a. Ruihhlo do kawngah sawrkarin theihtawp chhuahin 'Operation Jericho' chak taka kalpui niin, hemi hnuaiah hian hlawhtlinna nasa tak hmuh niin, chak zawka kalpui a nih tur thu a sawi a. Ruihhlo zuarte chu ram leh hnam hmelma lianber an ni tih sawiin, ram leh hnam hmangaihna vanga an thil tih thalo tak bansan turin a ngen a ni.
Bawrhsap chuan Ruihhloin thalaite leh khawtlang nun a tihbuai nasat zia chhutin, mut mawh hnar mawha neiha, a do leh umbo kawnga theihtawp chhuah a hun tawh tak zet a ti a. Chawngte RD Block huamchhunga khawtinte chu anmahni khua theuhah Ruihhlo Do beihpui lo thlak turin a chah a. District Administration hriatpuia Drug Free Vilalge - a puante chu Independence Day apiangin 'Certificate of Recognition' leh Citation - hlan an nih tur thu a sawi bawk. Ruihhlo do kawngah Police, Excise, VC, leh NGOs- te hmalakna ringawt a tawk lo a, mitin beihpui thlak ngai thil a ni tiin, Pu Donny Lalruatsanga Ruihhlo do beihpui thlak turin kalkhawmte leh Chawngte mipuite a sawm nghal bawk.
Pu Jerry LD Poonte, Officer - in- Charge, Chawngte Police Station chuan thutawi sawiin, Ruihhlo Do kawngah Police leh Excise -ten theihtawp an chhuah thin a ti a. Ruihlo zuarte dapchhuah leh hrem kawngah Dan anga khauh taka hmalak mek zel a ni, a ti a. A bik takin Ruihhlo zuar hriaten Police - hrilhhriat a pawimawh hle tiin, Ruihhlo umbo kawnga thawhpui turin a sawm bawk a ni.
Drug Free District Campaign- hi Lawngtlai District Drug Free Committee bultuma buatsaih a ni a. Pu Lalhruaizela, SDC chuan 'Power Point Presentation' neiin 'Drug Free Campaign' kalphung leh hmalakna tlangpui sawizauna a nei a. Zawhna leh chhanna hlawk tak hman a ni bawk.
Vawiina Drug Free District Campaign- hmanna inkhawm hi Pu Lalnunpuia Renthlei, SDO (Civil) leh Chawngte BDO nibawk chuan kairhuaiin,, Village Council, NGOs leh Kohhran aiawhte an tel kim tha hle a ni.
