2410/2026-2027

Lawngtlai, the 28th September, 2026: Vawiin chawhnu dar 2:00 PM khan DC Office Chamber-ah Bawrhsap Pu Donny Lalruatsanga kaihhruaiin 'Delay Registration of Birth & Death' chungchangah thutkhawm neih a ni.

Pu Donny Lalruatsanga chuan kalkawmte hnenah lawmthu a sawi a. Delay Registration of Birth & Death pekchhuah a pawimawh em em a, ram leh  hnam him nan  fimkhur zual a ngai hle tiin, uluk taka kalpui  ngai a ni, a ti. Nakina kan ram leh hnam hma hun tur hril thei a ni a, kan hnam himna tur a ni tih hriat a pawimawh hle a ti. Tih sual thiang lo a ni, kan tisual tur a ni lo a ti bawk. A hnam anga himna a pawimawh hmasa bera tihsual thianglo a ni tiin, a bik taka thawktute fimkhur turin a chah a. hi a ngai a, kan chanvo min chanpui ve theihna tur a nih avangin kan fimkhur a ngai a ni a ti. Bawrhsap chuan  duhsak bik nei lo a, diklo leh fello chu  hnawl ngam turin a fuih nghal bawk.

Thutkhawmah hian District Research Office leh Lawngtlai khawpui chhunga Registrar Birth & Death-  ten an hnathawh dan tarlanna neiin, zawhna leh chhanna hun hman a ni a. PD, DRDO leh Preident, CYLA ten thu tawi sawina an nei bawk a ni.

Thutkhawmah hian PD, DRDO, SDO (Sadar), SDC, CMO aiawh, DRO Staff, CYLA President, LWA & MHIP aiawh leh Registrar Birth & Death te an tel a, Bawhsap chuan lawmthu sawiin hun a khar a ni.