1557/2025-2026
Lawngtlai, 23rd September, 2025 : Vawiin khan Pu Donny Lalruatsanga, Lawngtlai Bawrhsap kaihruaiin, District Level Commitee on 'Vibrant Village Programme- II' ten DC Office Chamber-ah thutkhawm an nei.
Pu Donny Lalruatsanga chuan kalkhawmte hnena lawmthu sawina neiin, Vibrant Village Program 2.0 hlawhtling taka kalpui tura theih tawp chhuah turin District Level Commitee- te a chah a. Sawrkarlaipuin Border area - a khuate hmasawnna tura a duan a nih thu tarlangin, April ni 2,2025 khan tlangzarh a nih thu a sawi . Bawrhsap chuan Indo- Myanmar leh Indo- Bangladesh - a khua thlanchhuah bikah te kalpui tur a nih thu tarlangin, Lawngtlai District- a RD Block pali a khua - 40 ah kalpui a ni ang a ti. He Programme - hnuaiah hian thupui pawimawh tak tak pali- inkalpawhna Kawngpui (Road connectivity), kawlpetha ( Electricfication), Internet connection (4G), Telecommunication (TV) - a awm thu tarlangin, ngaihpawimawh pawh a tul hle a ti a. Thupui pali bakah hian Zirna ( Education) leh Tourism lamah pawh hmasawnna hnathawh a nih tur thu a tarlang a ni. Bawrhsap chuan Vibrant Village Programme- II- hlawhtlinna tura District Level Committee - te theihtawp chhuah tura chahin, a bik takin BDO - te theihtawp lo chhuah turin a chah nghal a ni.
Thutkhawmah hian thu pawimawh tak tak sawiho a ni a. Village Action Plan (VAP) chu Lawngtlai District chhunga RD Block pali a BDO theuh ten lo kalpui se an ti a. BDO ten VAP an peih fel hunah District Level Committee - ten lo ennawn leh ni se, pawmpui a nih hunah Portal - lamah dah luh nise an ti a. Sawrkar lam a zawhfiah ngaite a tul anga zawhfiah ni se tiin, a hma lamah thutkhawm hi neih leh ni se an ti bawk.
Vibrant Village Programme- II, hi Bungtlang 'S' RD Block, a khua -5, Chawngte RD Block, a khua - 17, Sangau RD Block, a khua - 10, leh Lawngtlai RD Block, a khua - 8, ah te kalpui a ni ang.
Vawiin thutkhawmah hian District Level Commitee on 'Vibrant Village Programme- II' Member - te an tel kim tha hle a, Pu Donny Lalruatsanga chuan lawmthu sawina neiin hun a khar.
