1384/2026-2027

Lawngtlai, the 13th July, 2026: Vawiin chawhnu dar 130 khan Deputy Commissioner, Conference Hall, Lawngtlaiah Bawrhsap Pu Donny Lalruatsanga kaihhruaina in District NCORD Committee thutkhawm a ni.

Pu Donny Lalruatsanga chuan member kalkhawmte hnenah lawmthu a sawi a. Tun dinhmunah Lawngtlai khawchhunga Ruihhlo lut a zia awm viau a, hei hi sawrkar leh NGO- te inkara thawhhona tha a awm vang a ni, a ti. Bawrhsap chuan Lawngtlai District - a Ruihhlo umbo turin ' Operation Jericho' leh ' Drug Free District Campaign' kalpui mek a nih thu tarlangin, Pu Donny Lalruatsanga chuan hei hian rah tha a chhuah mek tih tarlangin, mipuite thawhpuiah a sawm nghal bawk.

Vawiin NCORD Meeting - ah hian Meeting hmasaa hmalakna tur rel hrang hrangte bawhzui dan tlirhona neih a ni a. Ruihhlo lo luhna thin kawngte theih ang anga ven niin, tun dinhmunah chuan Ruihhlo lo lut a tlem hle nia an hriat thu an tarlang a. Police, Excise leh Assam Rifles - te report ngaihthlak niin Heroin - 5.99 gram, Meth - 9.87 kg leh Manufacturing drug man a nih thu an tarlang a. 'Drug Free Village' a puanna tur atana SOP chu Superintendent of Police lam ten meeting leh a thlirho theih turin lo buatsaih se tih a ni a, Oneday Workshop, Awareness & Free Medical Health Checkup chu Lairam Rescue Centre ah neih nise tih a ni. Excise, Drugs Inspector leh DRS tangdunin, Damdawi zuarte tana Awareness buatsaih bakah 'Special Drive Checking' neih nise tih a ni bawk.

Vawiin Thutkhawmah hian Lawngtlai District NCORD Committee Member- an tel tha hle a, Bawrhsap chuan lawmthu sawiin thutkhawm hi a khar.