4757/2025-2026

Lawngtlai, 10th March 2026: Vawiin khan District Hub for Empowerment of Women (DHEW), District Programme Officer (WCD), Lawngtlai District leh Lairam Isua Krista Baptist Kohhran Hmeichhe Pawl tankawp a buatsaihin 'International Women's Day ' hman a ni a, Lawngtlai Bawrhsap Pu Donny Lalruatsanga chuan khuallian niin a hmanpui.

Pu Donny Lalruatsanga chuan ' International Women's Day' hman a nih theih nan a hmalatute chungah leh kawlkhawmte hnenah lawmthu sawina a nei a. Dimna nei miah lo a hmeichhe chunga hleihlenna te chu idan angin hunhim a ni tawh a, State leh Sawrkarlaipui ten hmeichhia te dinhmun ngaipawimawhin, lei rem an rahna turin hma a la nasa hle a, hmalak zel pawh a ni dawn a ni, a ti. Hmeichhiate dinhmun chawikan zel a nih theih nan theihtawp chhuah zel a tul tih tarlangin, chhungkuaah leh khawtlangah hmeichhiate chanvo tha zawk pek thiam a hun tawh tak zet tih a sawi a. A bik takin Mizo hmeichhiate chu thenawm ramte nena khaikhinin dinhmun tha taka ding an ding tawh nia ahriat thu tarlangin, an dinhmun thatnate chu a tha zawnga hmang thiam theuh turin a chah a.Rilru nghet tak neih chu mi puitling nihna pawimawh tak a ni tiin, hmeichhiate tan rilru nghet leh tluang tak neih zel a pawimawh a ti. Bawrhsap chuan hmeichhiate dinhmun hrethiam a kawng hrang hranga hmasawnna an neih theih nan a thawk zel turin kalkhawmte leh Lawngtlai mipuite a sawm nghal bawk.

Pi Lalengvari -DHEW, DPO (WCD), Lawngtlai District chuan programme a kaihhraui a, International Women Day 2026 Theme 'Give to Gain' bawhzuinna pualin Chawimawina Thuziak leh ₹2000 chu H Lalenkawli MCS, leh Lalrinzuali MFAS, tling tharte hnenah hlan a ni a, LWA leh MHIP te hnenah lawmman hlan an ni bawk. Anganwadi- a mi tlawmngaite thilpek dahkhawm chu Lai Motherless Home, One Stop Centre, Shakti Sadhan, Oasis Boys Home leh Observation Home te pek an ni. Upa H Lalduhawmi, Chairman, Central LIKBKHP, LWA leh MHIP aiawh in thusawina tawi an nei a ni.

International Women's Day -hi United Nations (UN) hmalaknain  kum 1977 atang khan hman tan a ni a,  United Nations (UN) chuan kumin  thupuiah "Give to Gain" a  thlang  a ni.