254/2026-2027

Lawngtlai, 23rd April 2026 : Vawiin khan Pu Donny Lalruatsanga, Lawngtlai Bawrhsap leh Principal Census Officer nibawk kaihhruaiin DC Conference Hall- ah ' Review Meeting on Census 2027' neih a ni.

Pu Donny Lalruatsanga chuan kalkhawmte hnenah lawmthu a sawi a. Chhiarpui kalpui mekah dik taka thil engkim lakkhawm a nih theih nan fimkhur a tul hle a ti a. A buaipuitute chu hmaih awm lo tura theihtawp chhuah tura chahin, a bik takin mipuiten hriat thiam loh an neih te pawh tha taka hrilhfiah zel turin a chah a. Chhiarpui 2027 hlawhtling taka peihfel a nih theih nan Field Trainner - te chu Enumerator leh Supervisor - te a tul anga lo buaipui a, an hriatthiam loh te hrilhfiah a, tha taka lo tawiawm thin turin a chah nghal bawk.

Chhiarpui Thawhkhatna hnuaiah hian April ni 1, 2026 atanga April ni 15, 2026 chhung khan mahni inziahluh 'Self-Enumeration' neih a ni a, tun dinhmunah Lawngtlai District chuan 92.82% completion neiin, District zingah - ah a sang ber a ni. April ni 16, 2026 atanga tanin May ni 15, 2026 thleng hian Houselisting and Housing kalpui a ni ang. Lawngtlai District- ah hian House Listing Block - 270 awm in, tun dinhmunah Block - 147 ah Census hi kalpui tan tawh ani.

Vawiin Review Meeting - ah hian Chhiarpui neih meka harsatna awm hrang hrangte sawiho a ni a. Signal awm that lohna khua awm te, Map - a lang chiah lo, a tak a In leh lo awm si, Enumerator- ni mek kum lama upa tawh phone khawih lama harsatna neite an awm thu ngaihthlak a ni a. Harsatna awm hrang hrangte chu sutkian a nih theih nan a theihna kawngah intanpui ni se an ti a ni.

Vawiin thutkhawm ah hiah Addl.DC, SDO (Sadar), BDO & Charge Officer, Lawngtlai, Sangau, Chawngte , Bungtlang South, SDC, Field Trainners leh MJA,Lawngtlai aiawh te an tel a,Pu Donny Lalruatsanga chuan lawmthu sawiin thutkhawm hi a khar.