4731/2025-2026

Lawngtlai, the 7th March, 2026 : Vawiin chawhma dar 11:00 AM khan 42nd Pang Zirlai Pawl Rising Day, YMA Hall, Vathuampuiah  hman a ni a. Lawngtlai Bawrhsap Pu Donny Lalruatsanga chuan Khual ropui niin a hmanpui.

Khual Ropui Pu Donny Lalruatsanga chuan Pang zirlai Pawl hruaitute, Village Council, NGOs, Sorkar mi leh sa leh PZP Rising Day a kal zawng zawngte chibai a buk a. PZP Zirlai pawl din champha hmanpui thei leh thusawina hun a nei thei chu lawmawm a tih thu a sawi bawk.Khual ropui chuan Mizoramah  zirlai pawl ropui tak tak MZP leh  MSU an awm  a, a hnam bila zirlai pawl MSU, LSA, PZP pawl ropui tak  a awm  bawk a, Zirlai pawl chuan Polictic lam a in hnamhnawi a inhmeh lo a ni, a ti. Zirlai pawl an nih ang tak leh a dinchhan ang takin Zirna lam hmasawnna hi dah pawimawh ber tur in a chah a. Khawvel hnam ropui leh hnam fing hmasa Greek, Latin leh Rome mite thiamna leh finna avangin vawiin ni a khawvel changkanna hi lo thlen a ni a, chu  thiamna leh finna chu  zirthiam ve zel turin kalkhawmte a sawm a ni.

Bawrhsap chuan midangte kan el phak a, kan ram, kan hnam hmasawnna tur atan chuan zirna hi a ni a ti a. Zirnaa  hlawhtlin theihna atana pawimawh hmasa ber chu  chhungkua a bul tan  a nih thu a sawi a. Ngaihsan zawng  thlan thiam a ngai hle a,  mithiam leh mifing, te entawn thiam a pawimawh hle bawk a ni a ti. Nuapangin an zawm tlat chu zirtirtute zirtir dan a ni a , chuvangin ram leh hnam hmasawnna tur atan , atak a thiamna leh finna petu zirtirtute tan thar leh a ngaih thu a tarlang. Khual ropui chuan Indian service-  ah Mizoram chhunga chengte an lan lohna a  rei tawh hle  a, State ang pawh a hma  lak thar a, hlawhtling tura  beih a ngai  hle a ti. Pu Donny Lalruatsanga chuan zirna kawngah intlansiak a, thiam tura theihtawp chhuah a ngai hle a,  Zirna i uar thar  leh ang u tiin kalkhawmte a sawm a ni.

Pang Zilai Pawl hi Kum 1984 March Ni.7 a din niin Kum 42 a upa a ni a. Albin Lalhruaitluanga, President, PZP in Kum 2026-2027 Kum puan  'Zirna tih Hmasawn'  tih hawnna a nei a, Pu Laldikzual, GS in report a pe bawk.

Vawiin Rising day hmanna ah hian  Health lam inzirtirna leh hrilhhriatna neih a ni a, Awareness - Protection of Children from sexual Offences (POCSO) neih a ni bawk. Pu Zionrammawia, Asst.GS in Vote of thanks sawiin hun a khar a ni.