2127/2026-2027

Lawngtlai, 8th September 2026: Vawiin khan Lawngtlai Bawrhsap leh Chairperson, District Disaster Management Authority (DDMA) nibawk Pu Donny Lalruatsanga chuan Lawngtlai AOC leh Thingkah hmuna lemin a hmunah kalin a enfiah a. Thingkah leh AOC Veng Village Council (VC) ten an lo dawngsawng a ni.

Pu Donny Lalruatsanga chuan a hma thei ang bera leimin thenfai a tul tiin, chak taka hmalak a nih tur thu a sawi a. A bik takin AOC - a leimin vang inkalpawhna kawngpui tlabal chu thawmthat thuai a tul hle a ti a. A rang thei ang bera hmalak a tul tiin, theih ang anga a venhim hnathawh a nih theih nan SDRF atangin Rs. 75,000/- hlan an nih tur thu a sawi a ni.

Thingkah letan leimin tlawhin hnathawh kal mekte a enfiah leh a. Hnathawk mektu ABCi - te chu Kawngpui pawimawh tak a nih ang leh mipuite dinhmun hriaa chak taka thawk turin a chah a. Leimin hi vawiin atanga thenfai tan niin, kar khat vel hnathawh a ngaih hmel a ni. Tun dinhmunah motor lian tan kaltlanga theih a ni lo a, motor te tan chuan Thingkah High School- panna kawngah hel theih a ni.