4964/2025-2026

Lawngtlai, the 23rd March, 2026 : Vawiin chawhnu dar 3:00 PM khan DC's Office Chamber Lawngtlai ah Bawrhsap Pu Donny Lalruatsanga chuan Chief Minister Chawimawina Nopui dawngtu Henry Lalhmingmuana chawimawina thuziak leh pawisa fai hlanna a nei.

Bawrhsap Pu Donny Lalruatsanga chuan Lawngtlai District chhungah mirinawm, rinawmna avanga Chief Minister Chawimawina Nopui dawng thei an nei chu chhuanawm a tih thu a sawi a. Henry Lalhmingmuana rinawmna chuan Lawngtlai District mai nilovin, Mizote chhuanawm leh mawi zawngin rampumah a than phah a ti. Bawrhsap chuan Lawngtlai DC Office chuan Henry Lalhmingmuana rinawmna chu a ngaihluin a chhuang takzet a ni, a ti.

Henry Lalhmingmuana chuan DC Office in a beisei leh rinphak lohva chawimawina an hlan chu lawmawm a tih thu a sawi a, khami tum, a Auto Rickshaw a pawisa an theihnghilh chauh kha nilovin, tumdangah pawh a passenger ten theihnghilh an neihin a theih ang angin a zawnchhuah thin thu a sawi.

Kum kalta 2025 June 19 zan khan Henry Lalhmingmuana hian Bazar Veng Lawngtlai atangin zan dar 9 vel ah Rakhine lam mi, sumdawng chu Hotel Husop, Assam Rifle Camp bul, Lawngtlai-III ah thlahin, a passenger hian pawisa a theihnghilh tih Henry-a hian In a thlen hnua a Lirthei a enfelna ah a hmua, a tuamna Polythene chu a tet vangin pawisa a ni tih a hre nghalin, a neitu a zawng chhuaka, kimtakin a pe let. Hemi tuma pawisa theihnghilh, himtaka peklet hi a vaiin Cheng Nuai 15 leh Sing nga  a ni.