332/2026-2027

Lawngtlai, 29th April 2026: Vawiin khan Lawngtlai Bawrhsap Pu Donny Lalruatsanga chuan Sangau Primary Health Centre - a tlawh a, Dr. S. Chunglal, Medical Officer  leh a thawhpui ten an lo dawngsawng a ni.

Pu Donny Lalruatsanga chuan thawktute inpekna fakawm a tih thu tarlangin, mipuite tana theihtawp chhuah a thawk chhunzawm zel turin a chah a. Mipuite rawngbawlna hna thawktute an nihna hrechiang a, damlo enkawl kawngah hmangaihna leh inpekna nen thawk a, midangte tana malsawmna ni turin a chah a ni. Bawrhsap chuan PHC - in an mamawh tam tak zingah X-ray room leh Gate - chu tih hmasak ngai nia ahriat thu sawiin,  reiloteah tihhlawhtlin a nih tur thu a sawi a. Mamawh dang an neihte pawh ziaka thehlut tura chahin, bawhzui a nih tur thu a tarlang bawk.