791/2025-2026

Lawngtlai, 10th June 2025: Vawiin khan District Institute of Education & Training (DIET) Lawngtlai, chuan 'Thanksgiving & Farewell Programme' Multipurpose Hall, DIET Thingkahah an hmang a. Pu Cheemala Siva Gopal Reddy, IAS, Lawngtlai bawrhsap chuan khuallian niin a hmanpui.

Pu Cheemala Siva Gopal Reddy, chuan kalkhawmte hnena lawmthu sawina nei hmasain, 4th Semester zirlai kalchhuak mai turte duhsakna sang ber a hlan thu a thu a sawi a. DIET an chhuahsan hnuah pawh inthianthatna leh induhsak tawnna nei zel tur leh hmalam huna hna tha tak thawk turin duhsakna a hlan a. Zirtirtu hna  thawk tura an qualified tawh dawn angin, hna an thawh  hunah pawh ram leh hnam tana thawk tur leh zirlaite tana entawntlak ni fo turin a fuih a. Bawrhsap chuan Zirtirtu chu mitin ngaihsan an nih thu tarlangin, zir thiamna piah lamah khawtlang tana mi  rintlak leh innghahngamna  chherchhuak turin a chah.

Bawrhsap chuan zirna sang zawk beih tumte chu Mizoram pawna zirna In tha  tak tak a kal thei tura tan la turin a fuih a. Competitive Exam lamah Lawngtlai dinhmun a la hniam hle tih sawiin, helamah pawh tan laa, hna sang leh zahawm thawk thei an nihna hre reng turin a fuih. A bik takin 1st Semester (Class of 2025) te chu an nun uluk taka vawng tur leh DIET atanga zirchhuak ngei turin duhsakna a hlan a ni . Pu Cheemala Siva Gopal Reddy, chuan khawtlang, ram leh hnam tana mi tangkai ni zel tur leh zirna tihhmasawn kawnga theihtawp chhuah zel turin kalkhawmte a sawm nghal bawk.

Vawiin 'Thanksgiving & Farewell' hmannaah hian Principal, Lecturer leh 4th Semester zirlaiten 'Candle lighting'  an nei a. Pi Ngur Hmingliani Chinzah, Principal, chuan 4th Semester zirlaite hnenah Memento hlanna a neiin, Pu N. Ramfangzaua, Lecturer chuan lawmthu sawina neiin hun a khar.

DIET, Lawngtlai hi kum 2005  khan Thingkah hmunah  hawn niin, tunah hian  Principal nen Lecturer- 11  leh Zirlai- 95  an awm mek a ni.