Lawngtlai Bawrhsap Dr A. Muthamma IAS chuan March ni 27 leh ni 28 khan Lawngtlai District chhung khawthlang biala khaw thenkhat dinhmun en fiahin a tlawh.

Lawngtlai Bawrhsap chuan Lawngtlai District leh a bik takin khawthlang biala khaw hrang hrangte hmasawn nan sawrkar hna thawkte chuan an rilru ngaihtuahna sengin tih tak zetin hna thawk se a duh thu a sawi a. Khawtlang hmasawn nan a mi chengte rilru buatsaih hmasak a tul thu sawiin, changkanna chu hmun kilkhawr bera mite paw'n an ban phakah a awm tur a ni, a ti.

Lawngtlai DC hian Bungtlang 'S', M.Kawnpui, Saibawh, Vaseikai, Longpuighat, Chhotaguisury, Chamdur P-I, Chamdur P-II, Chamdurtlang, Mautlang leh Tuichawngtlang te tlawhin, he'ng khuaa anganwadi centre leh sikul hrang hrang te, tui leh eng dinhmun te, inkal pawhna kawng leh inbiak pawhna te, zirna leh a mi chengte hriselna dinhmun te a en fiah a. Hmasawnna kawnga khawtlang mamawh hrang hrangte zir chiangin, khawtlang hruaitu, tlawmngai pawl hruaitu leh khaw mipuite pawh a kawm a; anni hian a hnenah an mamawh hrang hrang an lo thlen a ni.

Khawthlang bial fanga a zinnaah hian Lawngtlai DC hi Lawngtlai SSA DPC Pu C.Lawmsangzuala, Bungtlang 'S' BDO Pu Victor Lalawmpuia leh Lawngtlai DIPRO Pu C.Lalhruaitluanga te'n an tawiawm a ni.

Attachment

  • Loading attachment...