No.3813/2020-2021

Lawngtlai, Thlazing ni 5, 2020: Mizoram Journalists' Association (MJA) Lawngtlai District te kawr thar chu nizan khan Lawngtlaia Zero 7 Restaurant & Diner-ah Lawngtlai Bawrhsap, District MJA Patron ni bawk Dr Andrew H. Vanlaldika, MCS chuan a tlangzarh.

Bawrhsap chuan chanchinbu mite chu sawrkar kutke pawimawh berte zinga mi an nih thu sawiin, ram siam thatna kawngah pawh mawh an phur thuk hle a, sawrkar leh chanchinbu mite an tan rual tlat chuan hmasawnna pawh a kal chak thin a ni, a ti a. Lawngtlai chanchinbu mite inlungrualna leh thawhrimna chu lawmawm a tih thu sawiin, sawrkar kher zawng ni lo, a khalh ngil zawnga hma an la thin leh mipui tana hlutna nei chanchin thar tha tak tak an chhawp chhuak thin te chuan District hmel a timawi hle a ni, a ti.

He hunah hian Zero 7 Restaurant & Diner te chuan MJA Lawngtlai District-a member pahnih - President Pu Lalngheta Ralte, AIR & DD News Correspondent leh General Secretary Pu Lalchharliana, Reporter, Zonet TV Pvt. Ltd te hnenah electronic media kal tlanga Lawngtlai District tihmingthatu an nih avanga chawimawina thuziak an hlan bakah, hemi pual hian District MJA te chu chawhlui an buatsaihsak a ni.

MJA Lawngtlai District President Pu Lalngheta Ralte chuan chanchinbu mite'n an phak ang tawka ram tana an thawh vete hriatpui a, ngaihhlutsaktu sawrkar hotute, khawtlang hruaitute leh mipuite chungah an lawmin, an tha tichaktu an ni thin tih a sawi.

Attachment

  • Loading attachment...