No.7604/2020-2021

Lawngtlai khawpuia chenna in sak thar leh chet velna lirthei pung chho zelah, Lawngtlai khawpui chhunga mipui him zawk nan leh khawpui a lo thianghlim a, a lo felfai zawk theih nan Lawngtlai District Magistrate & Bawrhsap Dr Andrew H. Vanlaldika, MCS chuan CrPC section 144-na tlawh chhanin vawiin (22.02.2021) khan a hnuaia mi ang hian thupek a chhuah.

"1. Lawngtlai khawpui chhungah tu mahin in sakna bungrua, motor, etc. kawngpuia mipui chet velna dalin dah phal a ni lo.

2. Tuiluankawr (side drain)-ah tui luanna dalin mimal bungrua eng mah dah phal a ni lo.

3. Kawngpui dungah motor eng chi mah sil phal a ni lo. 

4. Kawngpui dungah tuichhe luantir/paih phal a ni lo."

He thupek hian thu leh a awm a nih loh chuan puan a nih atanga thla 2 chhung a huam ang a. A zawm lote chu IPC section 188-na hmanga hrem an ni ang.

He thupek hi hlawhtling taka bawhzui a nih theih nan Traffic Police te'n khauh takin hma an la chho dawn a. Kawng sir lirthei hun phal lohna hmuna lirthei hunte dan anga senghawina atana hman tur hian lirthei ke chehna (wheel lock) 12 chu Lawngtlai Bawrhsap Dr Andrew H. Vanlaldika chuan vawiin khan Lawngtlai District Police kutah a hlan nghe nghe a ni.