No.2771/2021-2022

Aizawl Khuangchawi thla ni 28, 2021: Lawngtlai khawpuia lirthei pung chho zelah, Lawngtlai khawpui a lo thianghlim zawk nan leh Lawngtlai mipuite lirthei che vel leh accident laka an him zawk nan Lawngtlai District Magistrate & Bawrhsap Dr Andrew H. Vanlaldika, MCS chuan CrPC section 144-na tlawh chhanin vawiin (28.10.2021) khan a hnuaia mi ang hian thupek a chhuah.

"1. Kawngpui dungah in sakna bungrua eng mah dah phal a ni lo. (Thingzai/Rod/Cubic/Rora/Balu, etc.)

2. Tuiluankawr (side drain)-ah tui luanna hnawh/dalin eng mah dah phal a ni lo.

3. Kawngpuiah tuichhia paih phal a ni lo.

4. Kawngpuiah eng motor mah sil phal a ni lo.

5. Parking area ni lo kawngpui dungah eng motor mah park/dah phal a ni lo."

He thupek hian thu leh a awm a nih loh chuan puan a nih atanga thla 2 chhung a huam ang a. A zawm lote chu IPC section 188-na hmanga hrem an ni ang.