2084/2025-2026

Lawngtlai,5th November 2025: Ruah sur nasa avanga nizan lama Lawngtlai Vengpuia  In  chim chu Pu Donny Lalruatsanga,  Bawrhsap leh Chairman, Lawngtlai District Disaster Management Authority (DDMA) nibawk chuan a hmunah a tlawhin, chhiat tawh dan a enfiah.

Pu Donny Lalruatsanga chuan chhiat tawkte a tawrhpui  tih sawiin, vanneih thlak taka a thi an awm lo chu lawmawm a tih thu a sawi a. Hliam tawkte pawh ngaihtuah awm lutuk an ni lo chu vanneih thlak a tih thu tarlangin, an dam thuai a beisei thu a sawi a ni. Bawrhsap chuan chhiat tawkte puala sawrkar atanga tanpuina awm thei ang ang chu pek thua a nih tur thu sawiin, hnatlâng thawkte thingpui lumna tur sum fai leh Silpaulin a hlan nghal bawk.

In chimta hi Pi. Vanlalawii, In , Assam type chhawng hnih a ni a. Mihring 5 - a chim hnan a, tun dinhmunah lakchhuah vek tawh niin, vanneihthlak takin thi an awm lo a, hliamte pawh  ngaihtuahawm lutuk an ni lo a ni.