No.311/2020-2021

Lawngtlai Bawrhsap & District Disaster Management Authority Chairman Pi Shashanka Ala, IAS chuan COVID-19 hri dai theu nana inkhuahkhirhna kalpui mekah mipuite tana remchang leh samkhai zawk ngaihtuahin, vawiin khan lirthei tlan chhuah phalna (vehicle pass) lak/dil dan turah heti ang hian ruahmanna thar a siam.

1. Lawngtlai District atanga district danga kal turte chuan DC office emaw, bialtu SDO (Civil) office emaw, bialtu BDO office emaw atangin phalna lak tur a ni.

2. Lawngtlai District chhung chauhva zin/veivak turte chuan an chhuah tanna tur khua/venga VLTF-te hnen atangin phalna lak tur a ni.

3. Lawngtlai District bul hnai khua, ni tin mamawh lama Lawngtlai District-a lo lut thinte - Riasikah, Ramibawk, Tuipui Ferry, Kawlchaw East, Mamte, Thlengang, Khawmawi, Thingfal, Rualalung, Lungrang 'S', Chawngte 'L', Gulsil, Mualcheng 'S', Tipperighat leh Khajoisury atanga Lawngtlai District-a lo lut turte chuan an khaw VLTF-te hnen atangin phalna an la ang a, hei bakah hian bialtu incident commander-te hriattir bawk tur a ni.

Vehicle pass nei lova zin/veivak an awm a, man an nih chuan an chungah dan lekkawh a ni ang. Khi'ng a chunga tar lan ang vehicle pass neite chu khawiah mah lo tihkhawtlai loh tur a ni.

Attachment

  • Loading attachment...