No.6875/2020-2021 
Tunlaiin thenawm ram leh thenawm state-ah te vawk natna inkai chhawn awl tak African Swine Fever (ASF) a leng mek a. He natna (ASF) hi Myanmar-ah pawh a thleng tawh a. Tun thlengin African Swine Fever natna enkawlna damdawi leh a venna tur vaccine hi hmuh chhuah a la nih loh avangin leh he natna hi Mizoram chhung leh Lawngtlai District-ah te a lo luh loh nan Lawngtlai District Magistrate & Bawrhsap Dr Andrew H. Vanlaldika, MCS chuan CrPC section 144-na tlawh chhanin vawiin khan a hnuaia mi ang hian thupek a chhuah.

1. Lawngtlai District chhungah khawi atang mahin vawk leh vawksa atanga thil siam reng reng lak luh phal a ni lo.

2. Vawk damlo an awmin Animal Husbandry & Veterinary Department-ah report vat tur a ni.

3. Vawk talhtute'n vawk hrisel tha leh ei tlak chiah ser tur a ni. Animal Husbandry & Veterinary doctor awmna khuaah chuan doctor-te hnenah an hriselna a that leh that loh an entir ang a, doctor-te'n certificate an pekte chauh an talhin an zuar tur a ni.

4. Vawk thi reng reng uluk taka phum tur a ni.

He thupek hian thu leh a awm a nih loh chuan puan a nih atanga thla 2 chhung a huam ang a. A zawm lote chu IPC section 188-na hmanga hrem an ni ang.

Attachment

  • Loading attachment...